「不似預期」是常態

我地成日話「呢樣野同我想像中差好遠」，因為有Ｄ人傾向想像到好美好，將所有事情都太美化。當然，唔係叫你對所有事都悲觀，只係有時世界上就係存在「不完美的完美」，當你正式了解落差的背後原因，又或者係更深入搵出落差的意義，你會睇化Ｄ。

今日有個有趣分享。話說晏晝坐車番屋企既時候，前附近坐左一家三口，個女大概５／６歲左右，佢爸爸拎住個蛋糕。跟住唔知妹妹講左咩，佢媽咪就話：「傻豬，係你自己揀架，今個月２２號生日。你知唔知你本來個預產期係１月，同媽媽同日生日。」跟住妹妹即刻話佢無揀，個媽媽繼續話：「你揀既，你果日自己整穿個水袋走出黎。」

相信當時佢地一家人可能都亂左陣腳，但係唔緊要，有時一啲同預期有出入的事，唔一定係壞事，至少我地可以得到經驗和教訓。其實呢個世界最奇妙就係，就算人人都經歷緊生活唔同階段，每人的感受和體會都唔一樣，可能呢樣就係生活，新鮮的生活。

多樣性，令我地要學習接受自己及他人的好與壞。可能「不似預期」才是常態吧？

以下呢張相有個小故事：我地去新加坡，有一日晏晝玩左旅拍攝影。玩完之後大概５點幾，果晚打算直落去Garden to the Bay (一個新加坡雨水循環系統，整成一個有特色的園區，每晚８點都會有燈光show），咁但係我地要去Red Dot Museum換飛先，點知的的司機唔識去Red Dot，直接車我地去Garden by the Bay果度。咁我地一去到Red Dot其實換完飛都無咩心情（因為Garden by the Bay同Red Dot其實有一定距離），再加上有張Red Dot既飛送，咁就果晚睇完Red Dot係果度外面個海旁行去最近果個賭場個站，去食左Golden Ramsey，再入左一下賭場，玩左兩下老虎機輸晒港幣等值一百蚊既坡幣，就坐地鐵番酒店。

雖然唔似我地預期個行程，但都叫玩得唔錯～