【2021年情人節】

今日係2月21日星期日,對上一個星期日是情人節。


曾幾何時,我同好多少女一樣,幻想過會在情人節收花、去沙灘睇日落、去食candle-night dinner等,做盡所有大部份人係情人節會做既事。但,自從五年前,我同豬先生拍拖後,就無特別過情人節了。主要有以下幾個原因:


1※『只要兩個人夾得黎,日日都係情人節』

豬先生覺得平日表現遠比節日當日重要。平日,如果你同伴侶成日「唔岩瓦」,就算佢情人節送你99枝玫瑰,你都未必會happy。(當然,唔排除有部分女仔係熱愛「收節日禮物」既派別,無對錯既)


2※『情人節出去,大多比平日貴』

豬先生認為情人節大餐內的食物,好多時候比平日貴,所以成件事唔抵。同一份龍蝦意粉配餐酒,變成情人節餐的一環,就會升價。另外,情人節如果想去高級少少的餐廳,「食水」程度更加嚴重,再加上仲要好難先Book到。佢地大多會出《情人節戀愛套餐》,配合靚靚夜景,就會超級有節日氣氛~只係平日其實都有,唔洗專登到大時大節先去既~(只不過豬先生平日都好少同我去高級餐廳食野)


3※『情人節最好的慶祝方式是陪伴』

豬先生的理念是情人節其實同其他日子都係一樣的,而情人最重要的是陪伴。今年的情人節,佢都陪伴我一齊簡單地同屋企人一齊渡過。


去到依家,同豬先生的五年間,每年情人節我地都係好簡單咁過。



#情人節快樂 #情人相處 #formulaoflove #愛情課題分享