星期六，yohalo!

唔經唔覺，2021年又過左⋯⋯九日。

今年聖誕🎄同跨年無左聚會聚餐，令本身少同朋友聯繫既我，更少同佢地接觸。

有得有失既2020年過左，得到左一個令我思考人生既時間，失去左同朋輩出去消遣娛樂既時間。今年，期盼會變色，將上年大部分既灰色，轉換成繽紛色彩。

雖然，九十後既我已經唔細了，但我都盡量keep住18歲果時日日跳鄭多燕既恆心、日日做私補賺錢既心、日日去盤算如何令財富增值既心！呢一堆野係我自己輝煌過既成績，亦係我曾幾何時用心做既事。

做野三年幾入面學識左好多，要終身學習。唔好以為自己係「先師」，仲有大把野我未學識同學透既。襯自己仲未有咁大機會成本時，好去「追夢」喇！無得一拖再拖架，知道嗎？