淺談中外企業文化

今日係禮拜一嘅凌晨,啱啱睇完一套韓劇《黑道律師文森佐》。另外,啱啱喺Facebook睇咗一個post,內容係講Netflix點解會由一間就嚟執笠嘅公司,搖身一變變成一間全球盛行嘅網上影音串流平台。原來佢哋公司嘅制度超級有趣。


其中一樣,令我印象深刻嘅文化就係,佢哋好注重汰弱留強呢一個文化,會經常鼓勵員工互相競爭,亦會特別提醒主管,如果下屬想第辭職信嘅時候,佢哋會係強烈挽留抑或係欣然接受,如果係後者,會提醒主管要盡快尋覓新嘅下屬。


果然,喺外國嘅公司/外資公司,比較注重員工個人發展同埋創造能力,在意員工能夠幫公司帶來幾多價值,而並非單純睇員工的背景帶來幾多價值。相反,亞洲公司較為重用有一定家庭背景的人,佢哋大部份人嘅觀念都認為「只要你出身好,能夠得到嘅資源就會更好,亦更能夠幫公司得到更大利益」。


個人感受:如果你係自認有實力嘅人,你會鍾意係外資公司做嘢;若果你係一個比較貪小便宜嘅人,相信會比較鍾意喺亞洲企業資本公司返工。當然,有實力都可以做得輕鬆啲,一樣都會鍾意喺亞洲企業資本公司返工嘅~只係有機會你做做吓會冇咗繼續向上爬嘅慾望姐。再者就係人生去到唔同階段嘅時候,對於工作上嘅要求都一定會唔一樣,特別係女孩子,結婚、生仔呢個步驟會令女仔改變好多,亦會妥協左好多(男仕們都有)。


女仔係大個女之後,唔一定要結婚+生仔,依家呢個年代既女仔已經有好多諗法同打算,但始終若要行入婚姻同家庭入面,特別係講到要生細路仔,就始終係女仔比較多顧慮啲,大概就係因為女仔要「十月懷胎」吧,身體要去滋養肚腩入面既小生命,同時仲要番工,係非常非常之辛苦既事。


中資同外資就係對女性既待遇上都一視同仁,愈來愈尊重「職場女性」、「職場媽媽」等,多左好多支援。可能一方面係防止老化社會於是必須鼓勵生育,另外就係「女權主義」係呢個世紀中所推崇嘅思想,個個企業都唔敢睇小女仔,連國內呢個一向以男性主導既社會,都逐漸加大女性既地位,綜藝節目係咁出關於女性偉大既片段,宣揚「偉大女性」的形象。