20201214 midnight

今日進步內容主要圍繞番工。我發現番工果度有好多人值得我去學習~亦都令我感受到一啲有能力既人同一啲識A字肩膀人既重大分別。


有人願意去花時間同心思,合力將一件看似簡單同微不足道的事做好,而有人就唔會認真看待事情,只會慢慢地隨波逐流,漸漸失去自己應有的特色及立場⋯⋯


今日學習到一份報告內容並唔單係數字遊戲,更加係一家機構內既朋友仔點樣去「解讀」更為重要。對於好多的事物,我地會有既定的想法及意見,但有時再細心思考一下,會發掘到當中的千絲萬縷,好多背後牽絆的關係,好難單單就某一個人既判斷去決定,反而多時係一班人一齊去思考,點樣先可以將呢啲字眼,最用心同最合適地解釋,再安置好所有應該跟隨邏輯運作的事。


種種過程,睇落好似好簡單,但做落一啲都唔簡單。要經過重重思考🤔又要經得起他人的考驗,當俾人查詢🔍時,你可以侃侃而談,就證明你有一定功力了。


今日一相既背景其實係尖沙咀海旁近K11 Musea,仲記得果日就係想去湊熱鬧,睇下新開的地標。果時既我仲係長頭髮飄飄,再擺番個chok pose,簡直係OMG🤪


要記住,人生舞台的主角從來都係你自己。

只要肯發光發亮,一定會有人欣賞你!