20201216 第一日WFH

今日係番左兩日「長工」之後，第一日WFH。點解前兩日係「長工」呢？因為好耐無試過夜晚九點後先放工🤭但前兩日既野唔講了。

今日成日係屋企，對住部電腦💻係咁執執執個grouping。另外仲要chur人地幫手做人民幣份野😂不過都係無咩進展住⋯⋯唯有聽日再同人地傾下～

做野既具體內容都唔講咁多，今日學習到一樣好重要既野，亦係好需要改善的地方，就係好粗心大意。粗心既原因好多，根據網上資料💾主要有四大原因：唔夠專心、太心急、唔夠經驗同唔夠上心，而呢一樣野，係要逐漸減少既，唔可能一步改正。時時刻刻提醒🔔自己要「執到正」先可以俾到人。

好！既然覺得自己唔滿足於現狀，就努力逼自己去做好佢！唔好覺得麻煩同埋俾人話，因為現階段有人肯話我，其實對我好有幫助，特別話我既係做左呢個行業一段時間的人，要尊重前輩。（雖然心裏會有暗暗不爽，但都要虛心）

總之呢～我要努力💪🏻做好自己！問心無愧！另外一定要開始學習走向目標！