top of page

Treasure珍惜

當你入來睇呢篇文章,就知你係一位懂得珍惜分秒的人,亦可能是想學習點珍惜的人。

我覺得「珍惜」係一種生活態度,呢種態度可以從不同方面得到,亦有人一世都唔明。


而呢種生活態度,好易俾人曲解。有人會話:「就係啲成日推崇『珍惜現在』,先會令到班年輕人個個唔努力去讀書、唔努力做好啲、HEA下HEA下、無晒上進心」咪住,停一停先。從來無講過一個懂得珍惜的人,無上進心,更加唔可以拎自己把尺去量度人地的付出。我深信一件事,每人都有自己既進步同成長步伐,千萬唔好因為自己好似跑得比他人,而去輕易判斷人地的生活。


我所講既「珍惜」,其實係指珍惜時間,珍惜自己活著的時間。無論一個人,有幾多財富同資源,每日都係得廿四小時,時間都係咁多。人人都會慢慢變老,慢慢轉換唔同的角色。只有真正珍惜時間,用每分每秒的時間做自己真心喜愛做的事、有興趣發展的事,先會係對得住自己。


之前我一直以為自己要對得住父母、對得住自己讀過既所謂名校、對得住好多睇得我既人,其實,要對得住的,只是我自己。


珍惜自己,有什麼方法呢?


第一,一定要立即想想自己最想達到的生活狀態!讓我分享一下自己的想法:我最期望,到將來若我有小朋友時,我可以用大部分時間同小朋友渡過童年(0—5歲),然後每星期與一大家子人聚一聚食餐團聚飯互相傾訴互相支撐。我亦都希望我的職業是可以幫唔同人,特別係心靈層面上,幫助到其他人走出一道道心理關口。


第二,想想具體需要什麼才能達成以上生活狀態!可以係從膚淺的金錢方面(錢是生存的必須品,雖然說錢是萬惡之源,但無又唔得。要理想亦要麵包的)、自身軟件裝備上(心理及心態)、硬件裝備上(學習需要的知識)等等。


第三,思考完要行動!呢一步,亦係好多人「GAME OVER」的地方。「行動力」亦係區分出成功者同失敗者的關鍵。學《男排女將》KING(演員:ZENO)話:「如果失敗的話就代表你未夠努力。」有許多人除左唔踏出第一步去試做之外,仲有更多人係做做下迷失左自己。由其係好多做表演的人都會遇到的「迷失階段」,佢地會覺得焦點再唔係自己度,人氣漸漸消失,因而產生自卑心,而當有機會做表演時更會因為呢個自卑心而令自己的表演做得好肉酸,無吸引力。其實,由頭到尾都係自己,只要自己內心夠強大,只要每次都有一個「想呈現最好的自己」的心情,再加上真係有花心機同時間去彩排的表演,就唔需要怕!UM......好似講得偏離左少少。


我想講的係,其實目前的我都唔夠膽同恆心去誇出去。講,真係好容易。要做一個講得出做得到的人,好難。


而現階段,我慢慢向著自己想做的方向爬行中。開設自媒體、開FACEBOOK LIVE、寫文章等,都係我既嘗試同努力。一定唔好放棄呀!加油!我覺得我絕對有能力去做好自己的。


『專心的發光~~~』  —《一秒間》from 香港男團Mirror


(*多謝Mirror同Error呢兩隊港產男團,你地加油呀!*)


Comments


bottom of page